Die burgerregteorganisasie AfriForum het sy veiligheidsfokus aan die Oos-Rand uitgebrei met verskerpte buurtwagpatrollies en verdere veiligheidsopleiding aan gemeenskapslede. Dié besluit volg ná nege vroue se liggame in ʼn tydperk van twee maande in dié gebied gevind is. Die uitbreiding van veiligheidsmaatreëls is 'n reaksie op die groeiende kommer oor vrouemoorde in die streek.
Yvonne Gerber, AfriForum se distrikskoördineerder vir die Oos-Rand, sê verskerpte buurtwagpatrollies sal ook die voorkoms van ander ernstige misdade in Kempton Park en omliggende gebiede verseker. Die burgerregteorganisasie se sewe buurtwagte in die breër Oos-Rand, gesetel in Kempton Park, Benoni, Boksburg, Brakpan, Alberton, Springs en Germiston, met hul opgeleide lede is gereed om hul veiligheidsparaatheid te verhoog en samewerking met die polisie voort te sit.
Volgens Gerber is inwoners vreesbevange ná die onlangse vlaag vrouemoorde in die streek. “Die situasie ís ernstig en daarom moedig ons inwoners aan om, wanneer dit by hul eie veiligheid kom, nie net op veiligheidsowerhede staat te maak nie. Wees eerder bewus van die risiko’s en bemagtig jouself sover moontlik deur verantwoordelikheid te neem vir jou eie veiligheid.
Gerber sê betrokkenheid by plaaslike georganiseerde veiligheidstrukture, soos AfriForum-buurtwagte, is onontbeerlik. “AfriForum se buurtwagte is opgelei om verdagte aktiwiteite te identifiseer en die relevante inligting met die toepaslike owerhede te deel. In omstandighede soos dié wat tans aan die Oos-Rand afspeel, is die gemeenskap die oë en ore wat uiteindelik ʼn kritieke rol sal speel in die voorkoming van soortgelyke misdade.
Gerber benadruk dat daar nie voorspel kan word waar of wanneer die volgende misdaad gaan plaasvind nie, “maar ons kan verseker dat ons gemeenskappe beter voorbereid is”. Sy sê dat gemeenskapsveiligheid nie daarop gemik is om die werk van wetstoepassingsowerhede te vervang nie, maar eerder om gemeenskappe se eie veiligheidsvermoë te versterk.
Die vrouemoorde in die Oos-Rand het ook politieke reaksies uitgelok. Ian Cameron, DA-LP en voorsitter van die parlementêre portefeuljekomitee oor polisie, het onlangs ʼn dringende skrywe aan die senior bestuur van die polisie gestuur en ʼn indiepteverslag versoek oor die DNS-bewyse wat verband hou met die Ekurhuleni-vrouemoorde.
AfriForum se veiligheidsinisiatiewe in die Oos-Rand sluit aan by ander gemeenskapsgeleide projekte om misdaad te bekamp. Gerber sê inwoners word aangemoedig om by plaaslike veiligheidsstrukture betrokke te raak en hul eie veiligheid te prioritiseer. KEY_POINT: Nege vroue se liggame is in twee maande in die Oos-Rand gevind. KEY_POINT: AfriForum het verskerpte buurtwagpatrollies en veiligheidsopleiding aan gemeenskapslede in die Oos-Rand uitgebrei. KEY_POINT: Inwoners word aangemoedig om betrokke te raak by plaaslike veiligheidsstrukture om misdaad te bekamp.
